Zallako eskola eta Mimetiz  institutuko IGEak ideia berritzaileen II BBK Familia Lehiaketa irabazi zuen joan den abenduan, bere denbora eta aisialdi bankua proposamenarekin uztartzeko. Aplikazio horrek herriko familiek duten denbora disponibilitatea adierazten du, gurasoek beste haur batzuk zaindu ditzaten herri bereko espazioetan. Mimetiz IGEtik, euren esperientzia nolakoa izan den kontatu digute:

BBK Family kontziliaziorako ideien lehiaketako mezu elektronikoa beste askok bezala iritsi zen IGEaren helbide elektronikora, baina plazako bankuan IGEko kide diren ama batzuen artean komentatu ondoren, ideia sortu zen. “Eta astelehenean parkean geratzen banaiz 17:00etatik 19:00etara nire alabarekin eta zure semearekin eta zu asteazkenean? Nola egin genezake?”

Asmoa aplikazio bat sortzea da, gurasook gure prestasunaren berri eman dezagun eta beste zeregin batzuk egiteko denbora behar dugunean, gure seme-alaben jolas-denbora murriztu gabe. Behar dugunean gure zaintza-denborak trukatuko ditugu; horrela, gure seme-alabek lagunekin aisialdiko orduez gozatzen jarraituko dute, eta gu, denbora aprobetxatuko dugu beharrezkoak diren beste zeregin batzuk egiteko.

Non? Herriko parkeetan, umetekan, frontoian, plazan, eskolako patioan, eskolaz kanpoko jolastokian… Gurasook zaintza egiten dugun leku guztietan. Baina benetan gertatzen dena da gure seme-alabek lagunekin jolasten dutela, denboraz gozatzen dutela. Bitartean, gurasook egin behar ditugun gauza guztietan (erosketak, sukaldatu, harrikoa egin, kirola, etab.) pentsatzen dugun bitartean, bankuan eserita jarraitzen dugu, zortea lagun bat alboan dugula, arratsaldea eramangarriagoa izan dadin.

Denbora-bankua oso tresna erabilgarria da mundu osoan, alternatiba sozial ez-ekonomikoa. Saria enpresa bat kontratatzen inbertitzea da asmoa, aplikazioa egin eta lehenbailehen erabili ahal izateko, baina pandemian murgilduta gauden bitartean, prozesua abiarazteko unerik onena ez dela ahaztu gabe.