BIGEk dirulaguntzen eskaera eta justifikazioarekin laguntzen zaitu. Zalantzak edota zailtasunak izatekotan, idatzi: bige@bige.eus helbidera.
BILBOKO UDALAREN DIRULAGUNTZAK. 2023-2024
Dagoeneko Bilboko Udalak 2023-20234ikasturterako dirulaguntzen deialdia argitaratu du. Eskaerak aurkezteko epea 2024ko urtarrilaren 9an zabaldu zen eta otsailaren 16an itxiko da.
Eskabideak aurrez aurre edo telematikoki aurkeztu ahal izango dira.
Gida hau lagungarri izan dakizuke izapideak egiteko. BILBOKO DIRULAGUNTZAK GIDA 2024
Aurkeztu beharreko eskabide guztietarako dokumentazioa:
- Eskabide-orria
- Aurrekontua 23-24
- Dirulaguntzaren xede den programa azaltzen duen dokumentua
- IGEak aurreko ikasturtean egindako jarduera guztien azalpen-memoria orokorra
- Dagokion eranskina
Hezkuntza:
Diruz lagunduko diren jarduerak 2023-2024 ikasturtean egindakoak izango dira.
“Hezkuntzari laguntzeko programa” lerroan eskatu behar dira, diruz lagundu daitezkeen 3 kontzeptu biltzen baititu.
- Eskolaz kanpoko ekintzak eta bestelako ekintzak, ikasleen guraso-elkarteen prestakuntza, familia eta lana uztartzea ahalbidetzen dutenak.
- Gogoratu eskolaz kanpokoak 20 orduko jardueratik aurrera zenbatuko direla dirulaguntza eskatzeko.
- Ikasturte honetarako berrikuntza gisa, hezkuntza-premia bereziak dituzten ikasleen inklusioa eta parte-hartzea sustatzeko jarduerak ere diruz lagunduko dira.
- Jarduera osagarriak
- Elkarrizketa, elkarbizitza, elkartasun, ikasleen integrazio eta ikasle etorkinen harrera bezalako balioak sustatzen dituzten programak edo proiektuak.
Ā
Euskara:
Diruz lagundu daitekeen lerroa: “eskola-munduko programak babestea“. Ikasleen artean euskararen erabilera sustatzea helburu duten programa edo jarduera osagarriak edo hezkuntza arautua indartzeko jarduerak diruz lagunduko dira.
Bilboko Udaleko web-orria. 2024ko dirulaguntzak:
2023KO EUSKO JAURLARITZAREN IGEENTZAKO DIRULAGUNTZA
Ikastetxeetako ikasleen guraso elkarteentzako laguntzen ebazpena argitaratu da.
Eskabidea aurkeztu duzuen elkarte guztiek jakinarazpen bat jaso duzue “NIRE KARPETA“n. Bertan egiazta dezakezue zein den eman dizueten zenbatekoa eta dirulaguntza onar dezakezue.
Dirulaguntza onartzen duzuenean, erregistro-egiaztagiriak inprimatzea edo gordetzea gomendatzen dizuegu.
Jakinarazpenaren osteko hamar eguneko epean ez bada berariaz eta idatziz uko egiten, dirulaguntza onartu egin dela ulertuko da.
BIGEk dirulaguntza eskaera zuen izenean aurkeztu badu, onartu egingo dugu eta posta elektronikoz jakinaraziko dizuegu.
Dirulaguntzak ordainketa bakar batean gauzatuko dira emanadako laguntza onartu ondoren.
Gora jotzeko errekurtsoa aurkeztu ahal da, hibaleteko epean, ebazpena argitaratu eta hurrengo egunetik hasita.
Hurrengo PDFan dirulaguntza jaso duten Bizkaiko ikastetxeen zerrenda aurkituko duzue.
DIRULAGUNTZA BIZKAIKO IKASTETXEAK
ESKOLA BIDEA ETA PATIOEN ERALDAKETA 2023-2024
Ikasleen jarduera fisikoa sustatzera eta sedentarismoa murriztera bideratutako partaidetza- proiektuak garatzeko
Irailaren 13an, EHAAn (Euskal Herriko Agintaritza Aldizkarian)Ā 2023-2024 ekitaldirako Euskal Autonomia Erkidegoko elkarte eta kooperatibei ikasleen jarduera fisikoa sustatzeko dirulaguntzak ematea arautzen duen agindua argitaratu da.
Oinarrizko informazioa eta tramitazioa egiteko informazioa lotura honetan aurkituko duzue: INFORMAZIOA
Deialdiak dirulaguntzen inguruko beste betebeharrak ere zehazten ditu.
EHAAn argitalpena: https://www.euskadi.eus/web01-bopv/eu/bopv2/datos/2023/09/2304241e.pdfĀ |
Kontaktu-informazioa BIZKAIA. Osasun Sustapenerako Unitatea – 94 4031577 Eusko Jaurlaritzako Egoitza Nagusia: 945 019203 |
2024KO EUSKERA DIRULAGUNTZA Bizkaiko Foru Aldundia
Bizkaiko Foru Aldundiak dirulaguntza honen deialdia egiten du Euskararen erabilera gizarte-eremu guztietan sustatzeko. Hain zuzen ere, ahalegin horretan ezinbestekotzat jotzen du gizartean bertan eragitea, eta bereziki, gure hizkuntza sustatzeko, zabaltzeko eta normalizatzeko proiektuak egiten dituzten irabazi-asmorik gabeko erakundeetan.
Horregatik, dirulaguntza lerro honen helburua da irabazi asmorik gabeko erakunde horiekin lankidetzan aritzea, euskararen erabilera sustatzeko funtsezko lanean laguntzeko.
DEKRETOAREN LOTURA:Ā 2024 Deialdia
Informazio orokorra:
- Eskaerak egiteko epeak: 2024ko urtarrilaren 15tik otsailaren 12ra (13: 30ean)
- Tramitazio elektronikoa: https://www.ebizkaia.eus/eu/hasiera
- Aurrekontuaren %40 jasoko da gehienez.
Aurkeztu beharreko dokumentazioa:
- Estatutuen kopia eta IGEaren inskripzio-ziurtagiria elkarteen erregistroan
- Proiektuaren azalpen-memoria (gehienez 20 orrialde)
Autofinantzaketa:
- IGEak bere diru-sarrera propioekin aurrekontu osoaren % 35 hartu behar du bere gain, gutxienez
Justifikazioa:
- IGEak eskatutako zenbateko osoa justifikatu beharko du, ematen zaiona alde batera utzita