BIGEk dirulaguntzen eskaera eta justifikazioarekin laguntzen zaitu. Zalantzak edota zailtasunak izatekotan, idatzi: bige@bige.eus helbidera.

2021KO EUSKO JAURLARITZAREN IGEENTZAKO DIRULAGUNTZA

Eusko Jaurlaritzako Hezkuntza Sailak unibertsitate-mailakoak ez diren ikastetxe publikoetako ikasleen guraso-elkarteentzako laguntzak arautzen dituen agindua argitaratu du. Dirulaguntza eskatzeko epea ekainaren 9tik uztailaren 9ra arte egongo da zabalik. Berrikuntza gisa eta urte honetarako soilik, prestakuntza-gastuen ehunekoa % 30era jaitsi da (deialdiaren 3.1a atala).

Jarraian, eskabidea egiteko eta eskatutako dokumentazioa egiaztatzeko beharrezko dokumentazioa aurkituko duzu:

– Gastuen aurrekontua

Ordezkaritza ematea, dagokion federazioak elkartea ordezkatu nahi badu. Kasu honetan, bidali zuen federazioari dokumentu hau gainerako eranskinekin batera.

– Beste finantziazio-iturri batzuk

Azken bi artxibo hauek link honetan deskargatu ahal izango dituzue, Dokumentazioa atalean.

 

Eskabidea egiteko, honako hauek behar dituzue:

– Identifikazio elektronikoren bat izan izenpe edo koordenatuak

– Inprimakiak bete eta ordenagailuan gorde

– Zerbitzu elektronikora sartu. Bertan lau pausu jarraitu beharko dira:

  • Eskabidea bete (Aktibo egongo da ekainaren 9tik aurrera)
  • dokumentuak eta prestatutako inprimakia erantsi
  • eskabidea sinatu
  • bidali eskabidea eta erantsitako dokumentua

Bidalketa egin ondoren hartu izanaren agiria erakutsiko da pantailan, gorde ezazue agiri hori. Espedientearen segimendua Nire karpetaen egin dezakezue.

Zalantzaren bat izatekotan jar zaitezte harremanetan zuen federazioarekin.

Deskargatu 2021eko deialdia.

BILBOKO UDALAREN DIRULAGUNTZA. 2020

Bilboko Udalaren diru-laguntzen eskaera egiteko epea ireki da. Eskariak izapidetzeko epea otsailaren 17an bukatuko da.

Hemen duzue informazioa: Bilboko Udalaren diru-laguntzak 

IGE bezala hurrengo esparruetan eskatu dezakezue diru-laguntza:

Eskaera online zein aurrez aurre egin daiteke.

Eskabidea egitean erantsi beharreko dokumentazioa:

On line. Eskabidea online egitean sartu beharko dituzuen datu guztiez gain, bi dokumentu erantsi beharko dituzue:

  • Programaren deskribapena edo proiektua.
  • Guraso-elkartearen aurreko ikasturteko jarduera guztien memoria.

Aurrez aurrekoa.

Eskaerak errazago izapidetzeko Udalak hurrengo baliabideak eskainiko ditu:

Informazio telefono-zenbakiak 010 edo 944 010 010 (8:00etatik 20:00etara)
“Zure Udalak aditzen dizu” www.bilbao.eus webgunean: izapideetako gorabehera teknikoak bidaltzeko (ziurtagiri elektronikoarekin zerikusia dutenak izan ezik)

ESKOLA BIDEA ETA PATIOEN ERALDAKETA 2021-2022

(Ikasleen jarduera fisikoa sustatzera eta sedentarismoa murriztera bideratutako partaidetza- proiektuak garatzeko)

Euskal Autonomia Erkidegoko ikasleen mugikortasun aktiboa sustatzeko ekintzak garatzeko laguntzak eskatzeko epea urriaren 18ra arte egongo da zabalik.

Ikasleen guraso-elkarteei, ikasle-elkarteak eta Euskal Autonomia Erkidegoko unibertsitatez kanpoko Ikastetxeen Irakaskuntza Kooperatiben titularrei daude zuzenduta laguntza hauek.

Oinarrizko informazioa eta tramitazioa egiteko informazioa lotura honetan aurkituko duzue.

Deskargatu dokumentua hemen:

Euskal Autonomia Erkidegoko ikasleen mugikortasuna aktiboa sustatzeko ekintzak garatzeko laguntzak

 

Informazio gehiago:

BIZKAIA. Osasun Sustapenerako Unitatea – 94 4031577

PREMIA BEREZIAK dituzten ikasleek jardueretan parte hartzeko DIRULAGUNTZA

Zuen elkarteak eskolaz kanpoko ekintzak antolatzen baditu, eta premia bereziak dituzten ikasleak parte hartzen badute ekintza hauetan, interesatuko zaizu diru-laguntza BERRI honen deialdia.

Hemen informazio guztia:

ARGITARATZEKE

ESKOLA KIROLA DIRULAGUNTZA

2020-2021 DENBORALDIRAKO DIRULAGUNTZA ESKAERA

(itxita)

Eskabideak aurkezteko epea2021eko apirilaren 30etik maiatzezren 13ra bitartekoa, egun bi horiek barne. 

Denboraldi honetan dirulaguntza erakunde eskatzaileen artean banatzeko, behar bezala inskribatutako jokalarien kopurua soilik hartuko da kontuan.

Dirulaguntzarako eskabidea nahitaez Bizkaiko Foru Aldundiaren egoitza elektronikoaren bidez egin beharko da. Bakarrik egin dezakezue ziurtagiri elektronikoaren bidez.

Jarraibideak:

  1. Lotune edo esteka honetan sartu: https://www.ebizkaia.eus/eu/hasiera
  2. “Izapideen bilatzailea”n “bilatu” botoia sakatu.
  3. Ondoren irekitzen den pantailan, “2020/2021 denboraldian Bizkaiko Eskola Kirola programan parte hartzen duten erakundeentzako foru diru laguntzak (1896)” deritzon prozeduran klikatu beharko duzue.

Prozedura hori ikusgarri ez badago, pantailaren ezkerreko aldean dituzuen iragazkiak erabiliz bila dezakezue (“Saila” tolesgarrian “Euskara, Kultura eta Kirol Saila” aukera dezakezue).

  1. Behin prozeduran sartuta, “Izapidetu” saka dezakezue diru-laguntzarako eskabideari hasiera emateko. Gogora ezazue zuen ziurtagiri elektronikoak aktiboan egon behar duela zuen ordenagailuan.

Egoitza elektronikorako eskuliburuamesedez, irakur ezazue arretaz dokumentua.