Azaroaren 29an, Legebiltzarreko Hezkuntza Batzordeak ontzat eman nahi du Hezkuntza Legearen Proiektua, bere onarpenerako bide emateko. Euskal Eskola Publikoaz Harro plataformak Hezkuntza Legeari ezezko borobila emateko bozketa sinboliko bat egin zuen larunbatean Gasteizen. EHIGE bertan izan da, plataforma osatzen duten beste hainbat kideekin batera.

2023-2024 ikasturtearen hasieran jarri dira indarrean ikastetxe publikoetako jantokien kontratu berriak. Enpresek bete beharreko baldintzak alde bakarretik landu ditu Hezkuntza Sailak, familien parte-hartzerik gabe, alderdi interesatua izateaz gain, zerbitzuaren zati handienaren kostua finantzatzen dugunak izan arren (batez beste, % 60).

Bizi dugun uneak agerian utzi du inoiz baino garrantzitsuagoa dela arlo publikoa babestea eta aldarrikatzea eta Euskal Eskola Publikoko kide izatearen sentimendua sustatzea. Horregatik, “Publikoa da bidea” kanpaina elikatzen jarraitzen dugu, oraingo honetan gure online dendan eros ditzakezuen banderolekin. Jarri zuen eskola eta institutu publikoetako leku ikusgarri batean!

Martxaren helburua izan da alderdi politikoei eskatzea atzera bota dezatela hezkuntzaren pribatizazioan sakontzen duen, eskola publikoa baztertzen duen eta ikasle guztien euskalduntzea bermatzen ez duen lege-proiektua.