BIGEk, Bilboko Udalaren Osasun Arloarekin elkarlanean, antolatutako Bilboko Guraso Eskolak bere jarduerari ekingo dio berriro.

Guraso eskola informaziorako eta prestakuntzarako lekua da, eta seme-alaben hezkuntza-prozesuan familiei orientazioa eta laguntza ematea du helburu.

Doako programa da, nahierara egina, hau da, talde bakoitzaren beharretara egokitua. Saioak presentzialak izan ohi dira, eta ikastetxean bertan egiten dira, parte-hartzaileek adostutako ordutegian.

Zuen elkarteak oraindik programan parte hartzen ez badu eta interesa baduzue, gurekin harremanetan jar zaitezkete iuria@bige.eus helbide elektronikoan edo 944169360 telefonoan.

Jarraian, Bilboko hainbat eskola eta institututako saioen informazioa aurkituko duzue. Animatu parte hartzera!