Jakinarazten dizuegu eskabideak aurkezteko epea  2025eko ekainaren10etik 24ra  bitartean izango da, biak barne.

Nola eskatu? Eskola-kirolerako diru-laguntzaren eskaera Bizkaiko Foru Aldundiaren egoitza elektronikoaren bidez egin beharko duzue.

Ziurtagiri elektroniko bidez bakarrik sartu ahal izango zarete (erakundearen ziurtagiria, BakQ, NAN elektronikoa…).

Jarraitu beharreko urratsak:

• Sartu https://www.ebizkaia.eus/eu/hasiera helbidean
• Klikatu “bilatu” izapideen katalogoan
• Klikatu prozedura honetan: “2024/2025 denboraldian Bizkaiko Eskola Kirolaren Programako jardueretan parte hartzen duten erakundeei zuzendutako foru-diru-laguntzak (2850)”.

Ikusten ez bada, pantailaren ezkerraldean agertzen diren iragazkiak dituen prozedura bilatu ahal izango duzue (aukeratu Euskara, Kultura eta Kirol Departamentua saileko goitibeherakoan).

• Klikatu “tramitatu”.

Kontuan hartu beharreko bi gai garrantzitsu aurreratzen dizkizuegu:

Kirol-arduradunaren lan-kontratua

Beste urte batez, kirol-arduradunak lan-kontratua izatea baloratuko da. Egiaztagiriak gure aplikazio informatikoan aurkez ditzakezue, dirulaguntzaren eskabidea aurkezteko epea amaitu arte. Kontratuan eskola-kirolean emandako ordu kopurua zehaztu beharko da.

Lotutako erakundeak

Lotutako edo elkartutako erakundeek (ikastetxeak, gurasoen elkarteak, kirol-elkarteak eta/edo egoitza sozial bera duten kirol-klubak) hainbanatu egingo dute partekatzen duten kirol- edo ongizate-arduradun edo entrenatzaile bakoitzak lortutako puntuazioa.

Dirulaguntzatik kanpo:

 Haurren ongizateari buruzko prestakuntza:

• Kirolean edo antzekoetan haurrak zaintzeko eta babesteko sentsibilizazio-ikastaroa egin izana egiaztatu ez duten entrenatzaileen taldeak. Oraindik garaiz zaudete hurrengo estekan egiteko: Sakatu hemen. Behin hori eginda, plataformara igo beharko duzue egiaztagiria.

Eskatutako kirol-titulazioa:

• Kasuan kasuko kirol-modalitateari dagokionez, eskatutako titulazioa egiaztatu ez duen kirol-arduraduna duten erakundeak. Halaber, zuzentzen duten taldeari edo taldeei dagokienez, kanpoan uzten dira aipatutako titulazioa egiaztatzen ez duten entrenatzaileen entitateak. Oraindik garaiz zabiltzate MADE ikastaroa egiteko: Sakatu hemen. Izena eman ondoren, matrikularen frogagiria igo beharko duzue.