Ekainaren 20an, Ormaiztegiko Zumalakarregi Museoak ‘Guztiok gara migratzaileak’ sentsibilizazio proiektua inauguratu zuen, herriko San Andres eskolarekin batera garatuz. Lehen Hezkuntzako 6. mailako ikasleen bidez migrazio-fenomenoa ikertu eta aztertzea izan da proiektu honen helburua.

Hezkuntza-proiektu hau 2018-2019 ikasturtean jarri zen martxan, baina koronabirusaren pandemiak geldiarazi egin zuen. Garai hartan, “berritzaile eta aitzindari” gisa aurkeztu zen ekimena, Zumalakarregi Museoak eta San Andres Eskolak batera lan egiten zuten lehen aldia baitzen. Osasun egoera hobetu ondoren, 2021ean ekin zitzaion proiektuari, hau da, amaitu berri den ikasturte honen hasieran.

Ekimena Ormaiztegin egin da, herri bat non biztanleriaren kopurua txikia izan arren (1.248 biztanle), bertan nazionalitate anitzek elkar bizi dute, zehazki 21.

Elkarrekin egindako lan horren ondorioz sortutako erakusketak ikus-entzunezko bat, proiektua aurkezteko panelak eta ikasleek elkarrizketatutako pertsonek erantsitako piezak ditu. Uztailaren 3ra arte egongo da eskuragarri, igandea, aldi baterako erakusketen aretoan. Sarrera doakoa da.