Martxan da Emazu Eskua 2019-2020 proiektua

Dagoeneko martxan da 2019-2020 kurtsoko Emazu Eskua proiektua. Guztira 10 trukaketa egingo dira kurtso honetan zehar eta jada horietako zazpi martxan daude. Emazu Eskua proiektuak mugaz-gaineko eskolen arteko trukaketak sustatzen ditu. Proiektu pedagogiko honetan, Ikas-bi, EHIGE eta Herrikoa, irakaskuntza publikoaren ikasle elebidunen gurasoen elkarteek, Iparraldeko eta Hegoaldeko eskolak harremanetan jartzen ditu.

Proiektu horrek helburu desberdinak ditu: euskararen erabilera sustatu, ikasle eta erakasle artean harreman berriak sortu eta proiektu bat elkarrekin eraman (kultura, hizkuntza, natura…).

2019-2020 kurtsoko proiektuak

Hauek izango dira aurten “Emazu eskua” proiektuaren bitartez martxan dauden esperientziak:

  • Pays de Soule (Sohüta) – Zumaiako Institutua: elkar ezagutzeko posta elektroniko bidez gutunak trukatuko dituzte. Ondoren hiru egunetako elkar trukea egingo da, hiru egun eta bi gau (Zumaian) eta hiru egun eta bi gau Zuberoan.
  • Navarre Lizeoa (Garazi) – Basauriko Urbi Instututua: gutun trukaketa, e-twinning topaketa eta topaketa eguna Donostian.
  • Ravel (Donibane Lohitzune) eta Basauriko Urbi Institutua eta Atarrabiako Paz de Ziganda Institutua: kantu kontari e-twinning proiektua.
  • La Citadelle (Garazi) – Lizarra: Lizarran bikoteekin ateraldia kantuaren inguruan
  • Baste Quieta Eskola – Zarautzeko Orokieta Eskola: ibilaldia Zarautzetik
  • Amikuze (Donapaule) – Lekeitioko Institutua: proiektua zehazteke
  • Senpere eskola – Getariako eskola: proiektua zehazteke

Akordioaren bila

Aipatutako proiektuez gain, beste hiru hiru eskolekin trukaketa egiteko akordioren bila gabiltza EHIGEn eta Ikas-bin. Hauek dira trukaketa eskaintzen duten eskolak: Baionako Jean Moulin eskola (7-10 urte arteko 44 ikasle), Donibane Lohitzuneko Urdazuri eskola (10 urteko 22 ikasle) eta Baionako Arènes eskola (3-5 urte arteko 46 ikasle).

Beraz, zuen eskola Emazu Eskua proiektuan parte hartzeko interesa baduzue bidali ezazue mezu elektronikoa zuen izena eta telefono zenbakiarekin hurrengo helbideetara eta informatuko zaituztegu: info@ikas-bi.com edo ehige@ehige.eus