Manifestazio nazionala 17:30etan abiatuko da Jesusen Bihotzetik. EHIGEtik parte hartzera animatu nahi ditugu Euskal Eskola Publikoko IGE eta hezkuntza komunitatea.

Guraso-elkarteei, federazioei eta konfederazioei zuzendutako dirulaguntzen helburua da familiek ikastetxeetan parte hartzea eta lankidetzan aritzea. Izapideak egiteko epea irailaren 20tik urriaren 20ra arte egongo da zabalik.

2025eko urriaren 6an amaituko da 2025-2026 ikasturterako unibertsitateaz kanpoko ikasleak eskolatzeko ikasketetarako bekak eta laguntzak eskatzeko epea. Eta gogoratu, zalantzarik izanez gero jar zaitezte harremanetan zuen federazioarekin.

Hezkuntza Sailak 2025-2026 ikasturterako material didaktikoei eta curriculuma garatzeko baliabideei laguntzeko programaren ebazpena argitaratu berri du. Programa eskola publikoetako Lehen Hezkuntzako eta Derrigorrezko Bigarren Hezkuntzako ikasle guztiei zuzenduta egongo da (pasa den ikasturtean sartu ziren programan DBH3 eta DBH4).