Duela zenbait hilabete, Talaiako ikasleek proiektuaren diseinuan parte hartu zuten, eta beren ideiak partekatu zituzten eskolarako eta ingururako bidea nolakoa izatea gustatuko litzaiekeen azaltzeko. Ondorioekin ingurua birdiseinatu zen, eta orain, lanak bukatu ondoren, ikasleek berek beren sormena jarri dute diseinuan.

Azken asteetan, Talaia Bordari eskolako Lehen Hezkuntzako 4. mailako eta Talaia Institutuko DBHko 4. mailako ikasleek Julia Lasa artista lokalarekin batera lan egin dute Aspunea kaleko horman, institutura daraman aldapan, margotu den horma-irudi bat diseinatzen.