Otsailaren 2tik 13ra bitartean aurkeztuko dira datorren ikasturterako onarpen eskaerak EAEko Haur, Lehen eta Bigarren Hezkuntzako ikastetxe publikoetan.

Prozesuan parte hartuko dute:

• 2 urteko ikasleek.
• Haur Hezkuntzako, Lehen Hezkuntzako edo Derrigorrezko Bigarren Hezkuntzako edozein mailatan lehen aldiz sartu nahi dutenek.
• Ikastetxez aldatu nahi edo behar duten ikasleek, edo hizkuntza-eredua aldatu nahi dutenek (atxikitako bigarren hezkuntzako ikastetxean bigarren hezkuntza egingo duten Lehen Hezkuntzako 6. mailako ikasleek ez dute eskaerarik egin behar;  atxikitutako ikastetxe bat baino gehiago baldin badute, eskaera egin beharko dute).

Hauek dira onarpen egutegiaren datarik garrantzitsuenak:

• Eskabideak eta egiaztagiriak aurkeztea: otsailaren 2tik 13ra.
• Eskatzaileen zerrenda argitaratzea: martxoaren 4a. Kontsultak egitea eta erreklamazioak aurkeztea: martzoaren 12ra arte.
• Onarpen-prozesuaren hasiera: martxoaren 4a.
• Behin-behineko zerrendak argitaratzea: martxoaren 24ean. Kontsulta apirilaren 13ra arte.
• Behin-behineko zerrendei erreklamazioak egitea ikastetxeko Eskola Kontseiluan: apirilaren 13ra arte.
• Eskabidean atzera egitea: apirilaren 13ra arte.
• Behin betiko zerrendak argitaratzea: apirilaren 21ean. Kontsulta maiatzaren 25era arte.
• Hezkuntzako lurralde-ordezkariek esleitutako plazen zerrendak argitaratzea: apirilaren 24ean.
• Behin betiko zerrendei gora jotzeko errekurtsoak jartzea: maiatzaren 25era arte.

Hemen duzue Hezkuntza sailaren web guneko informazio guztia.

Zuen ikastetxeetan egiten ari zareten guztia ikusi nahi dugu!

• Etiketatu EHIGE zuen sare sozialetan eta zuen kartelak eta informazioa zabalduko ditugu!
• Bilatu zuen ikastetxea ikastetxeen bilatzailean eta aldaketarik balego, informazioa bidaliguzue.

Edozein zalantza izatekotan zuen federazioarengana jo dezakezu.

PUBLIKOA DA BIDEA!