Euskalgintzaren Kontseiluko bazkide garen heinean, larunbat honetan erakunde honek Kursaalean antolatu duen Batuz aldatu dokumentuaren aurkezpenean parte hartu dugu. Hizkuntza-politiketan eragiteko adostasun berriak eraikitzea da azken hilabeteetan Kontseiluaren kideekin zein kanpoko hainbat eragileekin landu den dokumentu honen helburua, eta 99 eragilek egin dute bat guztira dokumentuarekin.

Berritzegune Nagusiak antolatzen duen zuzendaritzen formakuntzan parte hartu genuen pasa den maiatzaren 20an, eskola-komunitatearen parte-hartzeari zegokion saioan, hain zuzen ere. Parte-hartzeari buruz daukagun ikuspegia azaldu genuen, familiek arlo honetan dituzten kezkei buruz aritu ginen eta hobekuntzarako proposamenak egiten genituen.

Dirulaguntza eskatzeko epea ekainaren 9tik uztailaren 9ra arte egongo da zabalik. Berrikuntza gisa eta urte honetarako soilik, prestakuntza-gastuen ehunekoa % 30era jaitsi da. Zalantzaren bat izatekotan jar zaitezte harremanetan zuen federazioarekin.

Euskal Eskola Publikoak baditu bere markako Eskola koadernoak, HEIZEk eta EHIGEk elkarlanean egindakoak. Aurten ere guraso-elkarte, ikastetxe, ikasle eta familia guztien eskura egongo dira. Bidalketa gastuak doanekoak izango dira, eskaerak ordenean erantzungo dira eta koloreak aleatorioak izango dira.