Ikastetxe bakoitzak aukeratuko du hauteskundeak egiteko eguna, betiere azaroaren 5etik 23ra bitartean. Kontsultatu zure ikastetxean zein den data zehatza.

Eta gogoratu, ikastetxera joaterik ez baduzu, aurrez aurrekoa ez den botoa emateko aukera ere baduzu, ikastetxeko zuzendaritzari beste pertsona baten bidez helarazten zaion edo postaz edo mezularitzaz bidalitako botoa hain zuzen ere. Hauteskundeak baino egun bat lehenago helarazi behar zaio hauteskunde-batzordeari.

Ikasleen gurasoek edo legezko ordezkariek eska dezakete botoa. Guraso bakoitzak botoa emateko eskubidea du.

Aurrez aurrekoa ez den botoa emateko urratsak:

1. Zuzendaritzari aurrez aurrekoa ez den botoa emateko dokumentazioa eskatu (eskabidea eta bozketa-txartela)
2. Gutun-azal bat prestatu «Ikastetxeko Eskola-kontseilurako hauteskundeak……. Posta bidezko botoa» adieraziz. Agiri hauek aurkeztu behar dira:

• • Botoa posta bidez emateko eskubidea eskatzeko eskabidea.
  • Bozketa-txartela. Hautatu behar diren ordezkarien bi herenen berdina den izen kopurua adieraz daiteke (adibidez, 9 ordezkari hautatu behar baditugu, gehienez 6 bozkatuko ditugu).
  • Nortasun-agiri nazionalaren edo horren baliokidea den egiaztagiriaren (AIZ, pasaportea) fotokopia

Kontsultatu hemen hauteskundeen datak, informazio gehiago eta laguntza-dokumentuak.

Eta gogoratu, zalantzarik baduzu, jarri harremanetan zure federazioarekin.

La entrada Eman aurrez aurrekoa ez den botoa zure ikastetxeko Eskola Kontseilua aukeratzeko se publicó primero en Ehige.

Uda baino lehen, BIGEtik premiazko konponbidea eskatu genuen, baita erakundeen inplikazioa ere, akordioa errazteko. Gatazkak bere horretan jarraitzen duenez, orain zuzenean Bilboko alkatearen esku-hartzea eskatu dugu, aldeen arteko negoziazio eraginkorra bultza dezan.

Greba-eskubidea eta langileen aldarrikapenak errespetatuz, Udalari egoera desblokeatzeko neurriak har ditzala eskatzen diogu. Era berean, gatazka konpontzeko eta garbiketa-zerbitzua berreskuratzeko bide gisa, aldeen artean arbitrajera jotzea susta dezala eskatu dugu.

Egoera bereziki kezkagarria da haurreskoletan, haurren adin txikiagatik eta dituzten zaintza-beharrengatik. Familiek ezin dugu onartu akordiorik ezak haurrek egunero erabiltzen dituzten espazioetako higiene-baldintzetan eragiten jarraitzea.

Familiei deia: non aurkeztu kexak

BIGEtik familiak animatzen ditugu Bilboko Udalari idaztera, beren kezka helarazteko eta konponbidea bilatzeko berehala inplika dadila eskatzeko. Bide hauek erabil ditzakezue:

• «Zure Udalak aditzen dizuv»: kexak eta eskaerak bidaltzeko udal-inprimakia. Kanal honen bidez egoeraren berri eman diezaiokezue Udalari, baina ez du sarrera-erregistro ofizialik sortzen.
• Udalaren Erregistro Orokorra: idazki formal bat elektronikoki edo aurrez aurre aurkezteko aukera ematen du, aurkezpenaren jasota geratzea bermatuz.

Idazkietan, zein ikastetxeri eragiten dion adierazi, garbitasun faltaren ondorioak azaldu eta alkatearen esku-hartzea eska dezakezue, gatazkarekin amaituko duen akordioa lortzeko negoziazioa bultza dezan.

Haurren osasunak eta ongizateak lehentasuna izan behar dute. Familiek erantzun bat eta jarduketa zehatzak behar ditugu, eskoletan eta haurreskoletan baldintza egokiak berreskuratzeko.

La entrada BIGEk Bilboko alkatearen esku-hartzea exijitzen du garbiketa-gatazka desblokeatzeko se publicó primero en Ehige.

La entrada BIGEk eskola-jangelei buruzko kexak helarazi dizkio Hezkuntza Sailari eta konponbideak eskatu ditu se publicó primero en Ehige.

Elikaduraren Munduko Eguna dela eta, Berango-Meranako IGEak Elikadura Iraunkorraren Astea antolatuko du. Ekimen horren helburua, aldarrikapen horri jarraipena ematea izan da eta esklan sukaldea izatearen garrantzia azpimarratzea, eskola-elikadura osasungarri, iraunkor eta kalitatezkoa lortzeko lehen urrats gisa.

IGEak argi dauka, “eskola-jantokia ez da zerbitzu hutsa, hezkuntza-espazio osasungarri, hurbil eta komunitarioa baizik. Elikadura eredu baten aldeko apustua egiten dugu, eskola eta bere ingurunea lotuko dituena, haurrak elikagaien jatorrira hurbilduko dituena eta haurtzarotik ohitura osasungarri eta iraunkorrak sustatuko dituena”.

Horregatik, astean zehar familiek eta hezkuntza-komunitateak parte hartzeko jarduera-programa eraman dute aurrera, ikaskuntza, kultura eta elikadura jasangarria uztartuz.

Ortu irekia eta pasta-tailerra: Ortu irekiari esker, familiek lurrarekin eta elikagaiekin harreman zuzena izateko aukera izan zuten. Ondoren, eskolako karpan, Txaramela Kooperatiba Txikiak eskainitako pasta ekologiko tailerra egin zuten. Familiek pasta egiteko osagai ezberdinak ezagutzeaz gain, biodibertsitatearen babesa, autohornikuntzarako ahalmena eta elikadura burujabetzari buruz ikasteko aukera ere izan zuten. Amaitzeko, tailerrean egindako pasta etxera eramateko aukera izan zuten.

Bideokliparen aurkezpena: Berangoeta Kultur Etxean «Geure bazkarie» bideokliparen estreinaldi ofiziala egin zuten. Eskolako familia guztiekin lankidetza estuan egindako lanean. Ekitaldiari amaiera emateko, askari agroekologiko baten inguruan bildu ziren denak, elikadura jasangarriaren inguruko topagune komunitario bat partekatzeko.

Etorkizunari begira dagoen aldarrikapena

Aste tematiko honekin, Berango-Merana IGEak gogoratu nahi izan du eskola-elikadura otorduak zerbitzatzeaz haratago doala. Jantokia hezkuntza-aukera bat dela, elikagaiekin harreman kontzienteagoa sustatzeko, ekoizpen-eredu iraunkorrak bultzatzeko eta eskolaren, familien eta ingurunearen arteko loturak sendotzeko.

Eskolan sukaldea ezartzeak, eredu horretarantz aurrera egitea ahalbidetuko luke, janarien elaborazioa ikastetxera bertara hurbilduz eta jantokiaren izaera hezitzaile eta komunitarioa indartuz, BIGE partekatzen duen aldarrikapena.

La entrada Berango-Merana IGEak sukaldaritza propioa aldarrikatu du eskolan elikadura iraunkorrari eskainitako aste batekin se publicó primero en Ehige.

Familien ordezkari garen aldetik, gure lana da gure ikastetxeko familien kezkak eta proposamenak jasotzea, organo horri helarazteko.

Bi urtean behin egiten den bezala, 2026-2027 ikasturte hasiera honetan Eskola-kontseiluen postuak betetzen dituzten pertsonen erdiak berritu behar dira.

Zuen lanean laguntzeko, informazio-kanpaina bat egin dugu, honako hauek biltzen dituena:

• Informazio kartela. Inprimatu, osatu eta jarri zure ikastetxeetan ongi ikusten den leku batean.
• Guraso-elkarteentzako gomendioak, prozesuan aktiboki parte hartzera animatzen zaituztegu eta.
• Eskuorri bat zuen ikastetxeko familientzat.
• Ohiko galderak. Eskola-kontseiluen hauteskundeei buruzko informazioa eta jasotzen ditugun zalantzei erantzuten diegu bertan.
• Aurrez aurrekoa ez den botoa
• Zer da Eskola-kontseilua?
• Eskola-kontseiluetan parte hartzen duten gurasoentzako gida praktikoa (Laster eguneratuko dugu!)
• Eskola-kontseilua ebaluatzeko eta hobetzeko tresna

Hemen duzue Hezkuntza sailaren web gunearen lotura ere informazio guztiarekin.

Gogoratu beharreko datak:

* Urriaren 22a baino lehen: Guraso elkarteak Eskola-kontseiluko ordezkaria izendatu behar du.

* Urriaren 22tik azaroaren 2ra: hautagaitzen aurkezpena.

* Azaroak 5-23: hauteskundeak.

* Abenduaren 15a baino lehen: Eskola-kontseilu berriaren eraketa.

Laster izango dugu eguneratuta  “OOG/eskola-kontseiluetan parte hartzen duten gurasoentzako gida”, bertan jasotzen dugu Eskola-kontseiluen araudiari buruzko informazioa eta jasotzen ditugun ohiko zalantzen erantzuna.

Beti bezala, guraso-elkarteek federazioen eta konfederazioaren laguntza eta aholkularitza duzue, zuen ikastetxeetan eraginkortasunez parte har dezazuen. Bide batez, adi gure sare sozialei!

La entrada Eskola-kontseiluetarako hauteskundeak 2026 se publicó primero en Ehige.

Arazoak norainokoak diren jakiteko, galdetegi bat bidali diegu Bizkaiko ikastetxe publikoetako elkarteei. BIGEren datu-bilketak aukera emango du egoera zuzenean ezagutzeko eta neurri zehatzak eskatzeko: berehalako ikuskapenak, kontratuak betetzen direla egiaztatzea eta, hala dagokionean, ez betetzeagatiko zigorrak eta kontratua bertan behera geratzeko prozedura hastea. Ikasleen osasuna eta elikadura izan behar dira lehentasuna.

Kexak helaraztea

Hainbat elkartek euren kexak helarazi dizkiote Hezkuntza Sailari. Karmelo Ikastolako Kaixo Guraso Elkarteak salatu duenez, Aramark enpresari esleitutako zerbitzuan hornidura eta kalitate arazoak daude, baita informazio atzerapenak eta arazoak euskarazko menuen itzulpenetan.

Iruarteta Eskolan, familiek eta Jangela Batzordeak kopuru eta kalitate arazoak salatu dituzte. Lehen Hezkuntzako jangela in situ zerbitzu gisa esleituta dago, baina eskolak oraindik ez du sukalde operatiborik. Menuak Errioxan egiten dira eta egunero eramaten dira ikastetxera. Abadiñoko Traña-Matiena Eskolak ere ez du sukalderik, kontratazio-modalitate honetan sartuta egon arren.

Bestalde, familia batzuk kexak  Sailari helarazten ari dira Zuzenean zerbitzuaren bidez, eta orain arte ez dute erantzunik jaso, Bilboko hainbat eskolatako familien kasuan bezala.

Elkarteei emandako erantzunetan, Sailak azpimarratu du ikastetxeek erregistratutako mahaikideek baino menu gutxiago eskatu zituztela, eta zenbait gorabehera modu metatuan jakinarazi zirela. Enpresekin harremanetan jarri dela ere baieztatu du Sailak, eta jarraipena egiten ari dela.

BIGEren ustez, erantzun hori ez da batere nahikoa. Ikastetxeen kudeaketan jartzen du arreta, eta jantokiko arduradunei helarazten die erantzukizuna, salatutako beste arazoak konpondu beharrean. Sailari dagokio elikadura nahikoa eta kalitatezkoa bermatzea eta enpresei pleguak betetzeko exijitzea.

Jantokietako arduradunei eskatzen diegu gertatzen diren gorabehera guztiak jasotzea eta Hezkuntza Sailari guztien berri ematea. Hala, akatsak jasota geratuko dira, eta zerbitzuak eskatzen dituen kalitate-baldintzak betetzen direla egiaztatu ahal izango da, bai eta akatsak zuzentzea eskatu ere.

La entrada Eskola-jantokietako arazoak salatu dituzte familiek eta irtenbideak eskatu dizkiote Hezkuntzari se publicó primero en Ehige.

Prozesu partehartzailearen emaitza da aurtengo logoa, izan ere eskolako umeek landu dute lehenik, 1999ko festako irudia oinarri hartuta, eta Aitor Irulegi eta Elena Cajaraville herriko artistek ondu dituzte azken proposamenak. Horren ostean, hiru aukeren artean, bozketa bidez aukeratu dute herritarrek zein ikur erabiliko duten festarako.

Instagrameko kontu honetan jarrai ikus ditzakezu Alkizan egingo den festaren azken nobedadeak.

Ekainaren 13an, denok Alkizara!

La entrada Alkizan ospatuko den Gipuzkoako Eskola Txikien Festaren logoa aurkeztu dute se publicó primero en Ehige.

Aginduak ez ditu azaltzen erabaki hori hartzera eraman duten arrazoi zehatzak, eta 2026ko irailaren 1ean jarri zen indarrean.

3,30 eta 4,60 euro artean egunean

Hobaria kentzeak esan nahi du familia horiek jangelagatik egunean 3,30 euro ordaintzetik 4,60 euro ordaintzera pasatzen direla. Jangela ikasturtean 175 egunez erabiltzen duen familia batentzat, neurri horrek seme-alaba bakoitzeko urtean 227,50 euro gehiago ordaintzea ekar dezake, hau da, % 40 inguru gehiago.

Hobaria jangelako ikasle erabiltzaile ohiko zein ohiko ez-jarraituei aplikatzen zitzaien, eskolatze-zentroarekin eta bizilekuaren eta ikastetxearen arteko distantziarekin lotutako baldintza jakin batzuk betetzen zituztenei.

Besteak beste, bizilekutik 2 kilometrora edo gehiagora zeuden Haur eta Lehen Hezkuntzako eta DBHko lehen eta bigarren hezkuntzako ikasleak hartzen ziren kontuan; DBHko 3. eta 4. mailetako ikasleen kasuan, 4 kilometrotik gorakoak; eta hezkuntza-premia bereziak edo mugikortasun murriztu iraunkorra zuten ikasleentzat baldintza espezifikoak ezartzen ziren.

Kontrako jarrera

EHIGEk murrizketa hori ezabatzearen aurkako jarrera du. Arrazoi nagusietako bat da eskola-garraiorako eskubidea duten ikasleek ez dutela, oro har, eguerdian garraiorik izaten, ikastetxeak jangela-zerbitzua duenean.

Beraz, familia horientzat jangelaren erabilerak lotura zuzena du garraioaren eta eskola-jardunaldiaren antolaketarekin, ikasleek ez baitute etxera bazkaltzera itzultzeko eskola-garraiorik.

EHIGEren ustez, gainera, hobariak eta jangelako bekek egoera ezberdinei erantzuten diete. Bekak, funtsean, familien egoera ekonomikoari lotuta daude. Hobariak, aldiz, bizilekuaren eta ikastetxearen arteko distantziatik eta hezkuntza-sistemaren antolakuntzatik bertatik eratorritako egoera batzuk konpentsatzen zituen.

Hezkuntza-premia bereziak dituzten edo mugikortasun murriztu iraunkorra duten ikasleei ere eragiten die neurri hauek kentzeak, araudiak baldintza espezifikoak ezartzen baitzituen ikasle horientzat.

EHIGEk beharrezko ikusten du Hezkuntza Sailak hobari hori kentzera eraman duten arrazoiak azaltzea, eta erabaki hori atzera botatzeko eskatzen du.

La entrada Garraiatutako ikasleei jangelako hobariak mantentzea exijitzen du EHIGEk se publicó primero en Ehige.

Izapideak egiteko epea irailaren 1etik urriaren 1era arte egongo da zabalik, baina azken egunerako ez uztea gomendatzen dizuegu.

Kontuan izan:

• 2025/09/1-2026/8/31 epean egindako jarduerak barne hartzen ditu.
• Pasa den ikasturtean bezala, eskaera eta justifikazioa batera egin behar dira, egindako jarduerak azaltzen dituen memoria barne. Kontuan izan azalpen horretan, zehaztu egin beharko dela, batetik, zer neurri hartu diren inklusioaren eta hezkidetzaren ikuspegia bermatzeko, eta, bestetik, nola bideratu diren jarduerak gutxienez alderdi hauetako bat betetzera:

• • Ikasleen osasun emozionala hobetzea
  • Bizikidetza positiboa
  • Jarduera fisikoetan eta kirol-jardueretan nahiz aisialdiko jardueretan euskararen erabilera sustatzea
  • Hezkuntza-komunitateko pertsona guztien konpetentzia digitala hobetzea, eta eskola-komunitateko kide guztiak motibatzea. Izan ere, ikasleen eskola-arrakasta eta arrakasta pertsonala lortzea da helburu komuna.
  • Programatutako helburuak zenbateraino lortu diren azaltzen duen informazioa

Eskatutako dokumentazioari dagokionez, dokumentu hauek prestatu behar dituzue:

• Memoria Ekonomikoa eta Fakturen Zerrenda (BERRIA!!)
• Jardueren memoria. Egin diren jardueren azalpen laburra. Azalpen horretan, zehaztu egin beharko da, batetik, zer neurri hartu diren inklusioaren eta hezkidetzaren ikuspegia bermatzeko, eta, bestetik, nola bideratu diren jarduerak gutxienez alderdi hauetako bat betetzera: ikasleen osasun emozionala hobetzea; bizikidetza positiboa; jarduera fisikoetan eta kirol-jardueretan nahiz aisialdiko jardueretan euskararen erabilera sustatzea; hezkuntza-komunitateko pertsona guztien konpetentzia digitala hobetzea, eta eskola-komunitateko kide guztiak motibatzea. Izan ere, ikasleen eskola-arrakasta eta arrakasta pertsonala lortzea da helburu komuna. Programatutako helburuak zenbateraino lortu diren azaltzen duen informazioa.
• Fakturak eta ordainagiriak. IGEak kontratatutako langileen nominen kasuan, kontratuak edo Gizarte Segurantzako altaren ziurtagiria erantsi behar dira.
• Ordezkaritza ematea. (Beharrezko kasuetan)

Dirulaguntza eskatzeko, honako hauek egin behar dituzu:

• Identifikazio elektronikoaren bitarteko bat izan
• Dokumentazioa bete, PDF formatuan (edo onartutako beste batean), eskaneatu eta ordenagailuan gorde (fakturak eta ordainagiriak)
• Inprimakiak dauden kasuetan: horiek bete eta ordenagailuan gorde
• Zerbitzu elektronikora sartu. Bertan 4 pausu jarraitu beharko dira:
  • Eskabidea bete
  • Dokumentuak eta prestatutako inprimakia erantsi
  • Eskabidea sinatu
  • Bidali eskabidea eta erantsitako dokumentuak

Hartu izanaren agiria erakutsiko da pantailan bidalketa egin ondoren.

Espedientearen egoeraren jarraipena eta egin beharreko aldaketak Nire karpetan egingo dira.

Hurrengo esteketan eskarga ditzakezue:

• • Dirulaguntzaren DEIALDIA

Gainera, eta beti bezala, gogoratu edozein argibide behar izanez gero jarri harremanetan zure federazioarekin.

La entrada Zabalik dago guraso elkarteentzako Eusko Jaurlaritzaren dirulaguntzak eskatzeko epea se publicó primero en Ehige.

La entrada Zabalik dago guraso elkarteentzako Eusko Jaurlaritzaren dirulaguntzak eskatzeko epea se publicó primero en Ehige.