2022-2023 DENBORALDIA
Jakinarazten dizuegu eskabideak aurkezteko epea 2023ko ekainaren 2tik 16ra bitartean izango da, biak barne.
Eskola-kirolerako diru-laguntzaren eskaera Bizkaiko Foru Aldundiaren egoitza elektronikoaren bidez egin beharko duzue. Ziurtagiri elektroniko bidez bakarrik sartu ahal izango zarete (erakundearen ziurtagiria, BakQ, NAN elektronikoa…).
Jarraitu beharreko urratsak:
- Sartu https://www.ebizkaia.eus/eu/hasiera helbidean
- Klikatu “bilatu” izapideen katalogoan
- Klikatu prozedura honetan: 2022/2023 denboraldian Bizkaiko Eskola Kirolaren Programako jardueretan parte hartzen duten erakundeei zuzendutako foru-diru-laguntzak (2410)
Ikusten ez bada, pantailaren ezkerraldean agertzen diren iragazkiak dituen prozedura bilatu ahal izango duzue (aukeratu Euskara, Kultura eta Kirol Departamentua saileko goitibeherakoan).
- Klikatu “tramitatu”.
Egoitza Elektronikorako Eskuliburua deskarga dezakezu hemendik: Egoitza elektronikorako eskuliburua
BERRITASUNA: Erakundeko eskola-kiroleko kirol-arduradunari dagokionez, C1 euskara-titulua edo baliokidea izatea eta lan-kontratu bat izatea baloratuko da. Lan-kontratuaren kasuan (eskola-kirolean emandako ordu-kopurua zehaztu beharko da), dirulaguntzaren eskabidea aurkezteko epea amaitu arteko egiaztagiriak aurkez ditzakezue gure aplikazio informatikoan. C1 euskara-tituluaren edo baliokidearen kasuan, Bizkaiko elkarreragingarritasun-nodoaren bidez kontsultatuko da, eta, beraz, ez da beharrezkoa haren ekarpena egitea.
Kontaktua:
- eskola.kirola@bizkaia.eus
- 94 406 87 77
KIROL LANBIDEEN LEGEA ETA BERE APLIKAZIO ESKOLA KIROLEAN
2022ko uztailaren 19an argitaratu zen EHAAn EAEn jarduera fisikoko eta kiroleko lanbideetan sartzeari eta aritzeari buruzko legea.
Legeak kalitatezko jarduera fisikoaren eta kirolaren praktika inklusiboa sustatu eta garatu nahi du, kirolaren dimentsio soziala kontuan hartuta, garapen pertsonalean eta kohesio sozialean
duen eraginagatik.
Helburua da kirol-zerbitzuen eskatzaile edo erabiltzaileei zerbitzu horiek ezagutza tekniko espezifikoak aplikatuz eskain dakizkien eskubidea zaintzea, kirol-praktika segurua sustatzeko eta kirolarien edo zerbitzu horiek hartuko dituzten erabiltzaileen osasunean edo osotasun fisikoan edozein kalte saihesteko.
Lege honek arautzen dituen lanbideek barne hartzen dituzte hezkuntzaren, aisiaren, lehiaren eta zuzendaritzaren eremuak. Eremu horietako bakoitzean onartu da lanbideren bat.
Legearen laburpen bat prestatu dugu, Aldundiak Eskola Kirolera pixkanaka egokitzeko aurreikusi duen plana jasotzen duena.
Hona hemen Bizkaiko Foru Aldundiaren Eskola Kirolaren plangintza eta haurrak eta nerabeak babesteko protokoloa: