Generales archivos - Ehige

Euskal Eskola Publikoaren web gune berria eta on-line denda

fdkj44-18 — Thu, 21 Feb 2019 13:45:48 +0000

Euskal Eskola Publikoaren Jaiak web gune berria dauka, baita on-line denda ere.

–On-line dendan ekainaren 2an Errenterian “Makina bat taupada” lemapean ospatuko dugun Jaiaren materiala erosi dezakezue. Hiru motatako materialak aurkituko dituzue: helduentzako kamiseta, sudadera eta biserak; haurrentzako kamiseta, sudadera eta biserak; eta osagarriak: motxila, poltsa, kantinplora eta mandilak. Paypal kontu batekin edo bankuko txartelarekin eros ditzakezue.

–Berriak atalean web guneko nobedadeak aurkituko dituzue.

–Errenteria 2019 atalean aurtengo Jaiaren logoa, leloa eta Oarsoaldeako ikastetxe publikoei buruzko informazioa duzue.

–Egitaraua: atal honetan egitarauari buruzko informazioa emango dugu.

–Babesleak: atal honetan Euskal Eskola Publikoaren Jaia antolatzen laguntzen diguten erakundeak aurkituko dituzue.

–Kantak atalean orain arteko abesti guztiak dituzue.

–Jaiak atalean, berriz, 1994tik gaur egunera arteko kartelak.

–Buletina atalean EHIGEren buletinera harpidetzeko aukera duzue.

La entrada Euskal Eskola Publikoaren web gune berria eta on-line denda se publicó primero en Ehige.

Eskola digitala 5: ikastetxeen esperientziak

fdkj44-18 — Thu, 21 Feb 2019 13:39:59 +0000

Eman duzu izena otsailaren 13an eta 14an Bilbon ospatuko ditugun Eskola Digitalaren 5. Jardunaldietan?

Ikastetxeen esperientzia hauek ezagutzeko aukera izango duzu:

–Urbi institutua (Basauri). Otsailak 13 (15.30 – 17.30). E-Tweening plataformarekin izandako esperientzia azalduko dute. Beronen bidez Europako ikastetxeen arteko lan kooperatiboa sustatzen da.

–Luis Briñas-Santutxu eskola (Bilbo). Otsailak 13 (9.30 – 10.15). Flipped classroom metodologiaren bidez 6. mailako matematika klaseetan gaitasun digitala nola lantzen duten azalduko dute.

–San Adrian institutua, (Bilbo) Orokieta eskola (Zarautz) Kurtzebarri eskola, (Aretxabaleta). Otsailak 14 (11:00 – 11:45). Haien digitalizazio proiektuak azalduko dituzte.

–Hirubide institutua (Irun). Otsailak 14 (12:30 – 13:15). Ubuntu sistema askea eta Moodle plataforma nola erabiltzen duten azalduko dute. Horrez gain, DBH1eko Teknologia ikasgaian egin duten proiektua azalduko dute ere.

–Barandiaran institutua (Leioa). Otsailak 14 (11:00 – 11:45). Hezkuntza Baliabide Irekiak (HBI) DBH-ko 1. mailako Gaztelaina irakasleek nola erabiltzen dituzten azalduko dute.

–Francisco de Vitoria BHI (Gasteiz). Otsailak 14 (11:45 – 12:30). Institutu barruan telefono mugikorraren erabilera adosteko egin duten prozesu parte-hartzailea azalduko dute.

-Los Herran institutua, Arantzabela, Guereñu eta Aranbizkarra eskolak (Gasteiz). Otsailak 14 (12:30 – 13:15). IKTen inguruko oinarrizkoak adosteko elkarrekin egindako lana aurkeztuko dute.

La entrada Eskola digitala 5: ikastetxeen esperientziak se publicó primero en Ehige.

Matrikula zaitez Euskal Eskola Publikoan!

fdkj44-18 — Thu, 21 Feb 2019 13:37:18 +0000

HURBILDU ZAITEZ ZURE ESKOLARA ETA

EMAN IZENA EUSKAL ESKOLA PUBLIKOAN!

La entrada Matrikula zaitez Euskal Eskola Publikoan! se publicó primero en Ehige.

Otsailaren 13 eta 14ean egingo da Eskola Digitalaren 5. edizioa

fdkj44-18 — Thu, 21 Feb 2019 13:34:26 +0000

Euskal Eskola Publikoan elkarlanean berritzen dugu hezkuntza-prozesua. Helburu horrekin ospatuko da Eskola Digitala jardunaldien 5. edizioa otsailaren 13 eta 14ean Bilbon.

Aurreko edizio arrakastatsuetan bezala, denetariko osagaiak izango ditugu ikastetxeei digitalizazio prozesuan laguntzeko: eskola eta institutuetako esperientziak, enpresen nobedadeen aurkezpenak, adituen hitzaldiak eta eztabaida-mahaiak, besteak beste.

·Egitaraua ezagutu nahi duzu? Hemen duzu: https://eskoladigitala.eus/egitaraua/

·Izena emateko lotura honetan klikatu (interesatzen zaizkizun jarduerak aukeratu behar dituzu): https://eskoladigitala.eus/egitaraua/

Eman azkar izena, plazak mugatuak dira eta!

La entrada Otsailaren 13 eta 14ean egingo da Eskola Digitalaren 5. edizioa se publicó primero en Ehige.

Hezkuntza sailak aurkeztu duen eskola-jantokien kudeaketa eredu berriak, baldintzak eta finantziaketa zehaztu gabe, nahasmena sortu du familietan eta gizartean

fdkj44-18 — Thu, 21 Feb 2019 13:30:18 +0000

Azken urtean, Eusko Jaurlaritzako Hezkuntza sailak martxan ipinitako Jantokien Batzordean parte hartu du EHIGEk. Eusko Legebiltzarrak eskatu zuen mahai hau abiatzea. Hasieratik jakin dugun arren aholku-batzordea zela soilik, bertan parte hartu dugu, eskola-jantoki eredu berri osasuntsuago, justuago, gertuago eta hezitzaileagoa lortzeko bidean pausuak eman genitzakelakoan.

Atzo ospatu zen azken bileran egungo kudeaketa eredua aldatzeko erabakia jakinarazi zigun Hezkuntza sailak. Argitu behar da erabaki hori aldebakarrekoa izan dela eta ez dela adostu. Erabakiarekiko desadostasuna jakinarazi genion arren atzo bertan, titular informatibo soil bat egin zuen publiko, familiak eta gizartean nahasmena sortuz. Izan ere, ez ditu argitu eredu berria bideragarri egingo luketen baldintza ezta finantzaketa ere.

Momentu honetan ditugun datuek hainbat kezka sortzen dizkigute:

Hezkuntza sailak bereak diren ardurak alde batera utzi eta ardura GUZTIAK guraso elkartearen gain uzten dituen eredu berri bat planteatzen du. EHIGEren ustez familiek eta eskolen ardura partekatuan oinarritu behar da eskola-jantokien kudeaketa. Martxan dauden lau esperientzia pilotuak (administrazioaren pertsonalarekin sukaldean) pausu on bat dira bide honetan.
Iragarritako eredua bideraezina da: eskola-jantokien finantzazioa ezin da oinarritu “kudeaketa errazteko laguntzak” izeneko deialdi batean. Hezkuntza saila behartuta dago aurkezten duen proposamenaren finantzaketa eredu sendo bat aurkeztera. Ez egitekotan, eskola-jangela kudeatu nahi duten eskola-komunitateak zigortzen ditu eta administrazioaren pertsonalgoa izateko aukera kentzen die.

Sortutako zalaparta baretzeko, Administrazioari zorroztasun gehiago eskatzen diogu aurkezten dituen proposamenetan eta familien eskaerei berriro bizkarrik ez emateko. Edozein kudeaketa eredu berrik ezin du alde batera utzi Hezkuntza administrazioaren ardura partekatua. Egoera hau datozen egunetan konponduko delakoan gaude. Gu prest gaude elkarrizketarako.

La entrada Hezkuntza sailak aurkeztu duen eskola-jantokien kudeaketa eredu berriak, baldintzak eta finantziaketa zehaztu gabe, nahasmena sortu du familietan eta gizartean se publicó primero en Ehige.

Ikasketa-bekak eskatzeko epea ireki da

fdkj44-18 — Thu, 21 Feb 2019 13:05:05 +0000

Irailaren 17tik urriaren 19ra arte ireki da unibertsitatez kanpoko ikasleak eskolatzeko ikasketa-beketarako eta laguntzetarako deialdia. Eskaria ikastetxean bertan edo on-line egin daiteke. Bi kontzeptu hauek dira gehien eskatzen direnak: eskola-materiala eta jangela.

·Hemen duzu informazio guztia: www.euskadi.eus/unibertsitate-aurreko-bekak-diru-laguntzak/web01-a2hikasl/eu/escolarizacion_e.html

La entrada Ikasketa-bekak eskatzeko epea ireki da se publicó primero en Ehige.

Vitoria-Gasteizko udalaren opor programa

fdkj44-18 — Fri, 20 Jul 2018 10:07:47 +0000

Vitoria-Gasteizko udalaren opor programan izena emateko epea apirilaren 3tik 18ra egongo da irekita.

INFORMAZIO GUZTIA

La entrada Vitoria-Gasteizko udalaren opor programa se publicó primero en Ehige.

Emazu Eskua – Donne moi la main

fdkj44-18 — Fri, 20 Jul 2018 09:56:56 +0000

Proiektua

Erakaskuntza publikoaren ikasle elebidunen burasoen elkarteak eta euskarazko erakaskuntzaren alde diren IKAS-BI-k (Iparraldea) eta EHIGE-k, Euskal Herriko Ikasleen Gurasoen Elkarteak (Euskal Autonomi Erkidegoa), mugaz-gaindiko eskolen arteko trukaketa pedagogikoak babesteko eta bultzatzeko « EMAZU ESKUA » programa garatzen dute. Programa hau, oinarrizko eta bigarren hezkuntzako irakasle-talde eta burasoen eskutik aurrera eraman da.

EMAZU ESKUA, existitzen diren buraso elkarteen sareen arteko konexioan oinarritzen da : EHIGE-k Baikara eta eskola Txikiak Gipuzkoan, BIGE Bizkaian eta Denon Eskola Araban batzen ditu ; IKAS-BI-k bestetik sekzio elebidunetako eskolen burasoen sare garrantzitsua sustatzen du.

Eskoletako, lizeoetako eta kolegioetako ikasleen arteko topaketa bat egitean oinarritzen da, komunikaziorako lana tresna amankomun baten bidez : euskara. Hau guztia komunikazio jarduerak eta ikuspuntu inter-disziplinarra dituzten jarduera pedagogikoak garatuz. 2013-2014 ikasturtean zehar experientziak eraman ziren zentzu honetan, Lapurdiko Getariako, Hasparneko, Zarautzeko, Ondarruako eta Donostiako eskolen artean.

EMAZU ESKUA, 2014-2015 ikasturterako, irakasleagoak egingo dituzten hezkuntza proiektu propioetan, oinarritzen da. Proiektu honek hainbat eskola bilduko ditu komunikazio digitalaren bidez. eTwinning [http://www.etwinning.net ] eskolen arteko harremanak eratzeko Interneteko Europar plataformaren bitartez, baita irakasleen arteko harremanei esker eta eskolen arteko elkar-trukaketekin ikasleen desplazamenduekin batera.

Izenak emateko

Sinpleki, dosiera muntatu gabe, Ikas-Birekin harremanetan izaitez. Beharezkoa bada, garaio finantziamendu parte bat onartua, Ikas-Biren bidez.

Ikas-Bik eta EHIGE-k eskolen arteko lehen kontaktuetaz arduratzen da. Irakasleek proiektu pedagogikoa haren gain hartzen dute.

Akitania-Euskadi Euroregion sustengaturik. EEP-ri diru laguntza galdetzeko ahaltasunak, bere deialdiaren barne (heldu den urterako kasu honetan).

La entrada Emazu Eskua – Donne moi la main se publicó primero en Ehige.

Eskola txikien topaketa ederra izan da

fdkj44-18 — Thu, 19 Jul 2018 11:24:22 +0000

Ia 300 lagun elkartu dira Eibarren 2018ko Eskola Txiki9en topaketak, Eskola Txikietako maisu-maistrak denak ere, Euskadiko Eskola Txikiek elkarlanean antolatu duten topaketan. Bi urterik behin antolatzen den topaketan, neurozientzietan azken urteetan egiten ari diren ikerketak izan dira ardatz, Marta Portero Tresserra Neurozientzietan doktore eta Bartzelonako Unibertsitate Autonomoko Psikobiologia irakaslearen eskutik.

Eibarren UPV/EHUk duen egoitzan elkarturik, Topaketak honako bi helburu hauei erantzun nahi izan die aurten:

Batetik, neurozientziari buruz ikastea eta arlo horretan egiten ari diren ikerketek Eskola Txikien eguneroko zereginean duten eragina, inplikazioa eta garrantzia aztertzea.
Bestetik, Eskola Txikietan positiboki baloratzen diren esperientziak elkarrekin trukatzea. Hori lortzeko, hainbat erakusleiho antolatuko dira urte hauetan zehar garatu diren hainbat esperientzia elkarrekin trukatu eta eskolen arteko interakzio eta kooperazio guneak aberasteko.

Neurozientzia eta eskola, hitzaldia

Ebidentzia zientifikoan oinarrituriko hezkuntzaren inguruko interesa haziz doa, neurozientzien alorrean ikasketa eta irakaskuntza prozesuaren nahiz garunaren plastikotasunaren inguruko aurrerapenak gertatu ahala. Horrela bada, neurozientzien eta hezkuntzaren arteko zubiak eraiki dira azken aldian. Portero Tresserra irakasleak eskainiko duen hitzaldiaren helburua, beraz, honako hau da: azken urteotan egin diren ikerketa neurozientifikoen inguruan hausnarketa egitea, haurtzaro eta nerabezarorako metodologia pedagogikoak diseinatzeko baliagarri izan daitekeen oinarri teoriko-enpirikoa eskaintzen baitute hauek.

Nola ikasten du garunak? Zer egin dezakegu ikasgelan arreta pizteko? Zero urtetik 12ra bitartean burmuinak duen garapenaren alderdirik esanguratsuei errepasoa eman ondoren, eta neuroplastizitate prosezuez jardun ostean, adituak azpimarra jarriko du ikasketa prozesuan eragina duten faktore nagusiak ikasgelan aplikatzeak duen garrantzian, hala nola: gorputza eta adimenaren arteko harremana, emozioen eta ezagutzaren arteko oreka sustatzen duten estrategiak, funtzio exekutiboen garapena, eta ikasketa prozesuak gertatzen diren espazioen diseinuak duen garrantzia.

Goizeko hitzaldia

Eskoletan egindako lanen erakusleihoak.

24 erakusleiho egon dira ikusgai eskola ezberdinetan egindako proiektuei lotuta. Ikuspegi metodologiko ezberdinen isladak, herriarekin eta komunitatearekin elkarlanean egiten diren ekintzenak edota, arrakastatsutzat jo diren esperientzia zehatzak ezagugu ahal izan dira aurtengo Topaketan hamaiketakoa egiteko tartean.

Erakusleihoak

Talde txikietako lanean teoria eta praktika aztergai.

Adituak goizeko hitzaldian esandakoak aztertzeko tarte bat hartu da talde txikietako lanean. Eskoletako esperientzia eta praktikarekin alderaketa bat egin eta etorkizuneko ibilbide pedagogikoan egin beharreko hainbat hausnarketa eta landu beharreko zenbait gairen inguruko konpromisoak landu eta Marta Porterorekin partekatzeko tartea hartu da amaieran.

Honekin amaierara ailegati arte.

La entrada Eskola txikien topaketa ederra izan da se publicó primero en Ehige.

Zapran zu , zapran gu!

fdkj44-18 — Thu, 19 Jul 2018 09:14:13 +0000

Eskerrik asko Lekeitio-ra iritsi den guztian, Euskadiko Eskola Publikoari laguntzeko. Eta bereziki, Lekeitioko hezkuntza publikoaren hezkuntza-komunitate osoa urte osoan zehar egin duten lanagatik.

Lekeitioko hezkuntza publikoa Euskal Herriko Eskola Publikoaren balioak oso ondo islatzen ditu: euskaldun eskola da, parte-hartzailea, berritzailea, guztiontzat eta guztientzat eta, beraz, gizarteari irekia. ZAPRAN GAGOZ!

Hemen festa alderdiaren ezintasuna deskarga dezakezu:

La entrada Zapran zu , zapran gu! se publicó primero en Ehige.