Txostenaren arabera, ikastolak kontzeptu berengatik diru publikoa jaso du bi bide desberdinetatik: alde batetik, Eusko Jaurlaritzako Hezkuntza Sailarekin duen hezkuntza itunaren bidez, eta bestetik, Udalarekin egindako lankidetza hitzarmenen bidez. Laguntza horiek mantentze-lanak, obrak, materialak edo ohiko funtzionamendua bezalako gastuak estaliko lituzkete.

Udalak bikoiztasunik ez dagoela eta laguntzak helburuaren arabera bereizita daudela defendatzen duen arren, Arartekoaren txostenak adierazten du “finantziazio bikoitzaren edo gainfinantzaketaren egoera ukaezina izen diren kasuak antzeman direla” eta adibide gisa aipatzen ditu “funtzionamendu-gastu arruntak eta izaera desberdineko obrak eta instalazioak, zeinak jada itunpeko finantziaketaren bidez estalita egon arren, udal funtsen bidez berriro finantziatu dira.”

Arartekoak azpimarratzen du Zubimusu ikastola ikastetxe pribatua dela, eta dagoeneko finantzaketa publikoa jasotzen duela itunpeko araubidearen bidez; beraz ezin du xede bererako laguntza gehigarririk jaso. Halaber, gogorarazten du aurreko ebazpen batean laguntza mota horiek irregulartzat jo zirela.
Ondorioz, egoera zuzentzeko gomendioa egin dio Arartekoak Amasa-Villabonako udalari. Ebazpenaren helburua da diru publikoarekin finantzaketa bikoitzeko kasuak berriro ez gertatzea.

81. orr. : EU-IA-2025.pdf

La entrada Arartekoaren urteko txostenak Amasa-Villabonako Zubimusu itunpeko ikastolak jasotako finantziaketa bikoitza jasotzen du. se publicó primero en Ehige.

La entrada Luis Ezeiza Herri Eskolak bideoklipa plazaratu du bere 55. urteurrena ospatzeko se publicó primero en Ehige.

Euskalduna, guztiona, guztiontzakoa.

PUBLIKOA DA BIDEA

La entrada 2026an, Euskal Eskola Publikoa ehundu se publicó primero en Ehige.

Hezkuntza publikoaren aldeko konpromisoa partekatzen duen komunitate osoari zuzenduta!

Irakurri hemen 2025eko abenduko aldizkaria!

La entrada 2025-2026 ikasturtea se publicó primero en Ehige.

Batzorde horiek behar bezala funtziona dezaten, Hezkuntzako Lurralde Ordezkaritzek, eskola bakoitzean onartua izateko prozesua ebaluatu ahal izateko beharrezkoak diren datuak eman behar dizkie batzordekideei: ikaspostuen eskaintza, onartutako ikasleen behin-behineko zerrenda, onartutako ikasleen behin betiko zerrenda eta itxarote-zerrendak. Informazio hori gabe, ezinezkoa izango litzateke bermatzea ikasleak onartzeko prozesua modu gardenean egin dela eta ikaspostuen esleipena indarrean dagoen araudiarekin bat datorrela.

Baikara Federazioak izendatuta, Gipuzkoako Bermeen Batzordeko kide diren eskola publikoetako gurasoen ordezkariek, behin eta berriz eta ohiko bide ofizial guztietatik eskatu dute bere lana betetzeko beharrezkoa eta ezinbestekoa den informazioa helerazteko, baina Hezkuntza Sailaren aldetik ez da inolako erantzunik jaso.

Egoera honen aurrean, Baikara Federazioak publikoki salatzen du 2025-2026 ikasturterako ikasleak onartzeko prozesuan dagoen gardentasun falta, baita Hezkuntza Saileko arduradunek, dokumentazioa eta informazioa eskuratzeari dagokionez, araudia ez betetzea ere, eta Hezkuntza sailburuari blokeo egoera hau berbideratu dezala eskatze zaio, Onarpen Berme Batzordeek beren egitekoa legearen arabera egin dezaten.

La entrada ONARPEN BERME BATZORDEETAN GARDENTASUN ETA INFORMAZIO FALTA SALATZEA se publicó primero en Ehige.

Girotzen!

Maiatzaren 31n, larunbatean, izango da zer eginik Urduñan. Txarlazo taldeak mendi martxa bat egiteko aukera emango du. Hitzordua 11etan izango da Foru Plazan eta 13:00etan bueltan izango gara. Ordu horretan dantza plaza egongo da Erauntsi dantza taldearen eskutik. Gauean ere izango da zer eginik, Enbata Lorade taldeak kontzertua eskainiko baitu 9etan.

Lau gune eta kaleko animazioa

Jaiak lau gune finko izango ditu eta ekintza ibiltariak ere  izango ditugu.

Urduña Herri Eskola

Urduña Herri Eskola izango da Euskal Eskola Publikoaren 32. Jaiaren lehenengo gunea. Bertan emango zaio Jaiari irekiera ofiziala 11:00etan. 12etan Porrotx, Marimotots, Pupu eta Lore eszenatokira igoko dira “Ostirala iritsi da!” obrarekin. 15:30etan antzerki musikala izango dugu Gora bihotzak-en eskutik eta 16:45etan Hodei magoaren txanda iritsiko da. Gainera, egun osoan zehar PAIren jolas kooperatiboak izango ditugu familian gozatzeko, baita tailerrak ere Kaiku baserri txokoan.

Foru plaza

Foru plaza izango da jaiaren bigarren gunea. 13:30etan  Goazen!eko artistak igoko dira eszenatokira, plaza osoa dantzan jartzeko prest. Gune honetan ere Makusi egongo da egun osoan zehar, baita Athletic Fundazioaren txokoa eta Jokai euskal jolas mitologikoak ere. Hauekin batera “Diowen bila” jardueraren harrera-postua egongo da. Arratsaldean kontzertuen unea izango da  Ingot eta Gozategi taldeekin.

Bestalde, Aiaraldeako ekoizleak eta elkarteak egongo dira kale nagusiko postuetan.

Gernika plaza

Gernika plazan ere hainbat ekintza egongo dira. Eroskiren Eliadura Eskola eta Klima azoka izango ditugu bertan egun osoan zehar, herritarrak klima-aldaketaren aurrean mobilizatzeko, hezteko eta kontzientziatzeko diseinatua esperientzia interaktiboa.

Bazkari gunea ere izango da hirugarren gunea, izan ere, Urduñako Bedarbide abeltzainen elkarteko txahal ekologikoarekin egindako hanburgesak dastatu ahal izango dira. Ogia eskualdekoa izango da, Orozkoko Iza okindegikoa. Barazkiei dagokienez, Delikako shiitake perretxikoak eta Ispasterreko Iparragirre baserriko tomate eta kalabazina ekologikoa erabiliko dira.

Bestalde, Urduñako Marmita elkarteak prestatuko du aurten paella zerbitzua, haragiduna eta barazkiduna.

Aurten elikadurak garrantzia berezia izango du Jaian, izan ere tokiko elikadura-estrategia agroekologian murgilduta dago Urduña. Hala, Hazi, ENEEK-Ekolurra, bertako ekoizleak eta Urduñako Udalaren arteko elkarlana islatuko da Jaian.  Janarirako txartelak Foru plazan eta eskolan erosi ahal izango dira.

Bolatokia

Jaiko laugarren gunea bolatoki inguruan egongo da. Bertan egongo dira puzgarriak eta Mustaren perkusio tailerra. Horretaz gain, zuen skate eta irristailuekin etortzera animatzen zaituztegu, skate parke polita dago Urduñan eta!

Kale animazioa

Ez da egongo Urduñan jai girorik gabe egongo den txokorik! Euskal Eskola Publikoaren 32. Jaian giroa berotzeko hainbat ekintza ibiltari izango dira kaleetan zehar: Reperkusion Feminista, dultzaineroak, kantuz-kantu Otxotearen eskutik, Getxa goi txistu taldea, Txarlazopeko musikariak eta Urduñako buruhandiak.

Garraio publikoa eta aparkalekuak

Urtero bezala, ikastetxeek antolatutako autobusak edo garraio publikoa erabiltzera animatzen zaituztegu (Renfe eta Bizkaibus).

Autoz zatoztenak industrialdean izango duzue aparkalekua, herrigunetik hurbil eta autokarabanentzako aparkalekua Nafarroa kalearen amaieran aurkituko duzue.

Animatu zaitez eta ekainaren 1ean etorri Urduñara! Euskal Eskola Publikoa errotu!

La entrada Euskal Eskola Publikoaren 32. Jaia Urduñan se publicó primero en Ehige.

Bilketa-lan horietan Lehen Hezkuntzako lehen zikloko ikasleak kutxak jartzen, elikagaiak antolatzen eta bildutakoa pisatzen ari dira. Aldiz, bigarren ziklokoek argazkiekin, mapekin eta kartelekin biltzeko gune bat sortu dute eta hirugarren ziklokoek henna tailer bat antolatuko dute Saharako amek egingo dutena.

La entrada Saharako elikagaien bilketa Orioko Zaragueta eskolan se publicó primero en Ehige.

Bildutako dirua Haitin eskola politekniko bat eraikitzeko erabiliko da, Marbial izeneko herrixkan. Gainera, larrialdi-egoeran dauden 400 familientzako laguntza bideratuko da elikagaiak erosiz.

La entrada Ikasleen laguntzari esker, Alkartasuna Lizeoak Haitin eskola politekniko bat eraikitzen parte hartuko du se publicó primero en Ehige.

Emandako saria “ikastetxeen eta lanbide-heziketako zentroen ekimenik onena” accesita da. “Kirima itsas txakurraren bidaia” da saritutako ekimenaren izenburua. Proiektua klima-aldaketaren aurkako borrokari eta energía-trantsizioaren sustapenari egindako ekarpen esanguratsuagatik saritu dute.

La entrada Intxaurrondo ikastolak irabazi ditu Asteklima 2024 sariak se publicó primero en Ehige.

Hori kontuan izanik, zentzuzkoa da gorputzaren papera aintzat hartzea eta arlo motoreak garapenean duen eraginari arreta eskaintzea. Horrela, garapen motorea eta nerbio sistema modu egokian estimulatu daitezke, ikasleen ongizatea eta ikaskuntza prozesuak hobetuz.

Aurten, ilusio handiz jarri dugu martxan “Neurogarapena Sustatzeko Proiektua”, Idoia Caballero terapeutaren laguntzarekin. Proiektu honek gure ikasleen garapen osoa sustatzeko tresna eraginkorrak eskaintzen ditu.

https://www.instagram.com/p/DFNAcDMsg_B/

La entrada Urdaneta eskolak Proiektu bat jarri du martxan ikasleen artean neurogarapena sustatzeko se publicó primero en Ehige.